Обвисценє
10. май 2023.
Базен вичисцени, сезона купаня почала
10. юлий 2023.
Почитовани гражданє,
У периодзе од 15. по 30. май 2023. року Општина Кула, „Комуналєцˮ Кула, „Водоводˮ Червинка, „Радникˮ Сивец и „Рускомˮ Руски Керестур буду запровадзовац випитованє Вашого задовольства зоз услугу одношеня одпаду на Вашей териториї.
През тото випитованє жадаме чуц Вашо думанє о квалитету услугох и унапредзиц комуникацию медзи гражданами и явних комуналних подприємствох.
Поволуєме Вас же бисце виполнєли питальнїк хтори можеце превжац на касох явних комуналних подприємствох и у Услужним центру општини Кула. Питальнїк можеце виполнїц и електронски на официйним интернет боку Општини Кула и официйних интернет бокох явних комуналних подприємствох, лєбо директно прейґ линка https://forms.gle/Nt2B5xGGFWwmD1xs9 (кед же нє можеце директно отвориц линк, копирайце го до Вашого преглєдовача).
Подробнєйши информациї у вязи зоз випитованьом задовольства хасновательох комуналних услугох можеце достац и на телефонске число 064/80-27-387 лєбо прейґ електронскей пошти jcepic@kula.rs.
Општина Кула, ЯКП „Комуналєцˮ Кула, ЯКП „Водоводˮ Червинка, ЯКП „Радникˮ Сивец и ЯКП „Рускомˮ Руски Керестур ше напредок задзековюю шицким гражданом на участвованю у тим випитованю.
Випитованє ше запровадзує у рамикох проєкту „Отримуюци и инклузивни услуги на локалним уровнюˮ хтори финансує Влада Шведскей и реализує Стаємна конференция варошох и општинох – Союз городох и општинох Сербиї (СКГО) зоз стратеґийну потримовку Шведскей асоцияциї локалних власцох и реґиона (САЛАР).
