Активносци ЯКП „Руском“

Роботнїки ЯКП „Руском“ у мешацу октобру покошели желєни поверхносци спред напущених хижох у улїчки Народного фронта и знїщели високу траву на нєпреглядних крижних драгох у Руским Керестуре. У тим валалє санирована и водоводна мрежа у улїчки Народного фронта и ЮНА. Окончене и резанє конарох и високей трави на крижних драгох, порезани конари на крижней драги Русинскей и улїчки Сивч Йовґена, започате и санированє бехатона у центру, очисцена и порихтана фонтана за жимски период и вимита водоводна мрежа.

Екипа того комуналного подприємства задлужена за ушоренє Крушчичу у тим валалє порихтала слупи за ограду коло оводи, поставела защитну ограду, плочици на уходзе до фискултурней сали у школи „Велько Влахович“ и окончели єшеньске садзенє древкох у двору школи. Попри порядного ушореня центру, санирована и водоводна мрежа, позберане и опаднуте лїсце у парку, покошени желєни поверхносци, очисцена каплїчка, окончене єшеньске садзенє квеца, санирована водоводна мрежа, оправени бехатон у центру, ушорени теметов и започата реконструкция крову на обєкту ЯКП „Руском“.

У цеку октобра ЯКП „Руском“ набавело и нови контейнери и канти за одкладанє комуналного отпаду, пре вше векши потреби пре звекшане количество шмеца. Планована и замена очкодованих контейнерох на шицких локацийох и повекшанє числа истих пре лєгчейше управянє зоз комуналном шмецом.